
那洛巴大师教言集NARO22ཡི་དམ་རྡོ་རྗེ་ཕག་མོའི་ཤོག་རིལ།
1-4-14b

༄༅། །ཡི་དམ་རྡོ་རྗེ་ཕག་མོའི་ཤོག་རིལ།
༄༅། །ཡི་དམ་རྡོ་རྗེ་ཕག་མོའི་ཤོག་རིལ་བཞུགས་སོ། །རྒྱ་གར་སྐད་དུ། བཛྲ་བ་ར་ཧི་ས་ཏ་ན་མ། བོད་སྐད་དུ། རྡོ་རྗེ་
ཕག་མོའི་སྒྲུབ་ཐབས། རྡོ་རྗེ་ཕག་མོ་བདག་མེད་མ་ལ་ཕྱག་འཚལ་ལོ། །ཨོཾ་ཧྲཱིཿགྷ་གྷ་གྷ་གྷ་ཏ་ཡེ་གྷ་ཏ་ཡེ་སརྦ་དུས་བསྟན་ཧཱུཾ་ཕཊ་སྭཱཧཱ། བསྲུང་པའི་སྔགས་སོ། །ལྟེ་བའི་དབུས་སུ་རམ་
ལས་མེའི་དཀྱིལ་འཁོར་གྲུ་གསུམ་དམར་པོ་པདྨ་འདབ་མ་བཞི་པ། དེའི་སྟེང་དུ་ཧྲི་ནག་པོ་བསམ། དེ་ཡོངས་སུ་གྱུར་པ་ལས། རྡོ་རྗེ་ཕག་མོ་རོའི་སྟེང་དུ་ཉི་མའི་དཀྱིལ་འཁོར་གྱི་སྟེང་
1-4-15a

ན་བཞེངས་པ། ཞབས་གཡས་བརྐྱང་པ། གཡོན་བསྐུམ་པ། གཅེར་བུ་རུས་པའི་རྒྱན་ཆས་བརྒྱན་པ། དབུ་སྐྲ་དམར་སེར་གྱེན་དུ་བསྒྲེང་པ། ཐོད་པ་ལྔས་ཅོད་
པཎ་བྱས་པ། ཕྱག་རྒྱ་ལྔས་བརྒྱན་པ། མི་མགོའི་ཕྲེང་བས་སྐུ་ལ་བརྒྱན་པ། ཕྱག་གཉིས་པ། གཡས་རྡོ་རྗེ་ལྕགས་ཀྱུ་འཛིན་པ། གཡོན་པ་ཁ་ཊཾ་ཁ་དང་ཞགས་པ་སྡིགས་འཛུབ། ཞལ་གཅིག་
པ། སྤྱན་གསུམ་པ། ཁྲོ་གཉེར་མཆེ་བ་གཙིགས་པ། ཕག་གི་ཞལ་ཤིན་དུ་(ཏུ་)མི་བཟད་པ། གསུས་པ་ཆེ་བ། ལྗགས་མྱུར་བ། ཞལ་ཁྲག་གིས་བཀང་བ། སྐུ་ལུས་གབ་པ། ཧ་ཧའི་སྒྲ་
སྒྲོགས་པ་དེ་ལྟ་བུའི་བདག་ཉིད་གནས་གསུམ་དུ་ཡི་གེ་གསུམ་བསམས་ལ། སྙིང་ཁའི་ཧཱུཾ་ལས་འོད་ཟེར་འཕྲོས་ཡེ་ཤེས་སེམས་དཔའ་མཆོད། བདེ་མཆོག་ལྷ་ལྔས་དབང་བསྐུར། ཛཿཧཱུཾ་བཾ་
ཧོཿརང་ལ་བསྟིམ། བཛྲ་བ་ར་ཧི་ཨ་བེ་ཤ་ཡ་སརྦ་དུས་སྟན་ཧྲིཿ ཉེ་བའི་སྙིང་པོ་ནི། ཨོཾ་ཧཱུཾ་ཧྲི་ཧཾ། སྙིང་པོ་འབུམ་བཟླས་པས་ངེས་པར་འགྲུབ་བོ། །ཨོཾ་ཨ་ཧྲི་ཧཾ་ཧཾ། སྔགས་འདིས་ཤ་ཆེན་
ཕྱེ་མར་བྱས་ཏེ་བྲིས་སྐུ་ལ་བདུགས་པར་བྱའོ། །ཉིན་མཚན་དུ་རྩེ་གཅིག་ཏུ་བྱས་ན་ཞག་ཉི་ཤུ་རྩ་གཅིག་གིས་འགྲུབ་པོ། །དམ་ཚིག་སེམས་དཔའ་བསྐྱེད་པ་དང་། སྐུ་གསུང་ཐུགས་བྱིན་གྱིས་
1-4-15b

བརླབ་པ་དང་། རང་བཞིན་གྱི་གནས་ནས་རང་དང་འདྲ་བའི་ལྷ་མོ་སྤྱན་དྲངས་ཏེ། མཆོད་པས་མཆོད་ལ་རང་ལ་བསྟིམ། བདེ་མཆོག་ལྷ་ལྔས་ཐོད་པ་བདུད་རྩིས་གང་བས་དབང་བསྐུར་བས། སྤྱི་
བོར་ཐིགས་པ་གཅིག་འདུད་པས་མི་བསྐྱོད་པས་དབུ་བརྒྱན་པར་བསམ། ཨོཾ་ཧྲི་ཧཾ་ཧཾ་ཧ་ཧ་ཧི་ཧི་ཕེཾ་ཕེཾ་ཕེཾ། ཉིན་ཕྱེད་དམ་མཚན་ཕྱེད་ནས་འཛིན་གཏོར་བྱིན་གྱིས་བརླབས་ཀྱིན་བཞག །གཏོར་
གཡོག་གཏང་། བདུད་རྩི་ལྔ་དང་། ཤ་ལྔ་དང་། མཆོད་པ་རྣམ་པ་ལྔ་བྱའོ། །རྣལ་འབྱོར་མ་འདི་སུ་ལ་ཡང་མི་སྨྲ་བར་བྱའོ། །དེ་ལྟར་བྱས་ན་ཇོ་མོ་བདག་མེད་མས་ངེས་པར་བྱིན་གྱིས་བརློབ་
པར་འགྱུར་རོ། །དེ་ལ་སྔགས་པས་ས་ཕྱོགས་དབེན་པ་ཡིད་དུ་འོང་བར་མཆོདཔའི་རྫས་རྣམས་ལྟ་(སྟ་)གོན་དུ་བྱས་ལ། བདེ་བའི་སྟན་ལ་ཁ་ནུབ་ཏུ་བལྟས་ཏེ་འདུག་ལ། སེམས་ཅན་གྱི་དོན་དུ་
བདག་གིས་སངས་རྒྱས་ཐོབ་པར་བྱ་སྙམ་དུ་བསམ། བླ་མ་རྣམས་སྤྱི་བོར་བསྒོམ། མཎྜལ་ཡང་བཤམས་ལ། ས་གཞི་ལེགས་པར་སྲོག་ཆགས་མེད་པ་ལ་མཎྜལ་ལེགས་པར་བྱས་
ལ། དག་པ་གསུམ་བརྗོད་པས། བདག་ལྷ་མོར་གྱུར་པར་བསམ། གོང་གི་གྷ་ཏ་ཡའི་སྔགས་བརྗོད་ནས་བདག་དང་གནས་དང་རྣལ་འབྱོར་བསྲུང་བར་བྱའོ། །དེ་ལ་མེ་ཏོག་གི་ཚོམ་བུ་གཅིག་
1-4-16a

བཞག་སྟེ་གནས་བསྲུང་བར་བྱའོ། །རྣལ་འབྱོར་ལ་གཏོར་ཏེ་རྣལ་འབྱོར་བསྲུང་པར་བྱའོ། །དེ་ནས་མཎྜལ་དེ་པཾ་ལས་པདྨ་འདབ་མ་ལྔ་པར་བསམ། དེའི་དབུས་སུ་
ཨོཾ་བཾ་བརྗོད་པ་ལས་མེ་ཏོག་གཅིག་བཞག །ཇོ་མོ་རྣལ་འབྱོར་མར་གྱུར་པར་བསམ། དེ་ལྟར་འདབ་མ་ལྔ་ལ་ཧཾ་ཡཾ་ལ་སོགས་པ་བརྗོད་ཅིང་མེ་ཏོག་གཡོན་སྐོར་དུ་བཀོད་པས་དཔའ་མོ་ལྔ་
བྱུང་བར་བསམ་ཞིང་། ཡེ་ཤེས་སེམས་དཔའ་བསྟིམ་ལ་མཆོད་པ་བྱ། དེའི་རྗེས་ལ་བདུད་རྩི་སྦྱངས་ལ་རྡོ་རྗེའི་ཁྲུས་བྱ། རང་གི་ལྟེ་བར་ཧྲི་ལས་འཁོར་ལོ་དམར་པོ་གྲུ་གསུམ་བསམ།
ཡང་ན་སྙིང་ཁར་བསམ། དེའི་དབུས་སུ་ཧྲི་ནག་པོ་གཅིག་ལས་སྔགས་ཀྱི་ཕྲེང་བས་འཁོར་བས་བསམས་ལ་བཟླས་སོ། །ཨོཾ་བཛྲ་བྷ་ར་ཧི་ཨ་བེ་ཤ་ཡ་སརྦ་དུས་སྟན་ཧྲི་ཞེས་བཟླས་སོ། །
ཨོཾ་ཧྲི་ཧཾ་ཧཾ་ཧེ་ཧེ་ཧ་ཧ་ཧི་ཧི་ཕེཾ་ཕེཾ་ཕེཾ་ཞེས་བྱ་བའི་སྔགས་འདི་ལན་གསུམ་བརྗོད་ནས་གཏོར་མ་སྦྱིན་ནོ། །བསྒོམ་པ་ལས་ལྡང་བར་འདོད་ན། ཡེ་ཤེས་སེམས་དཔའ་དང་བླ་མ་སྤྱི་བོར་བསམས་
ཏེ། བཟོད་པར་གསོལ་ནས། བཛྲ་མུས་གཤེགས་སུ་གསོལ་ལོ། །ཨྠིྀ། མྱུ་ཧྱ།། །།


目录
ཡི་དམ་རྡོ་རྗེ་ཕག་མོའི་ཤོག་རིལ།